Դիջիպատում 2013-2014
Նախաբանի փոխարեն
Երբ էր, որ Տիարը ոտք դրեց քաղաքապետարանի թիվ 119 մանկապարտեզ, որտեղ աշխատում էի որպես երաժշտության դաստիարակ: Քսանյոթ տարի առաջ, ու սկսվեց հետաքրքիր ու ստեղծագործ աշխատանքը: Դրանից հետո ամեն նոր սկսվող տարի իր հետ նոր թափ ու եռանդ է բերում, և ինքդ էլ չես հասցնում նկատել, թե ինչպես ես հայտնվում աշխատանքային անդադար պտույտի մեջ (երևի սա է միշտ երիտասարդ մնալու գաղտնիքը):
2013թ. ձեռք բերածի, արածի ու չարածի մասին.
- Կարող եմ երկար պատմել ընկերներիս, մեր համատեղ աշխատանքի մասին: Նշեմ միայն, որ այս տարի ավելի ստեղծական ու ծրագրային էր, մեր համատեղ աշխատանքն էլ՝ անսպասելի լուծումներով հարուստ:
Տարվա մեծագույն ձեռքբերումը Սեբաստացիներ երգչախումբն էր, որ նոր մշակույթ բերեց, միաժամանակ դարձավ մշակույթ տարածելու-փոխանցելու միջոց. Վկա՝ երգչախմբի մշակութային արշավները՝ արցախյան ուղևորությունը: Պարոն Թոփիկյան, Սեյրան Ավագյան, արդեն հարազատ ու սիրելի դարձած մարդիկ, որոնց հետ բախտ ունես ամեն օր շփվելու:
- Ø Ինձ համար առանձնահատուկ էր եղբորս՝ Ռուդիկ Հարոյանի հիշատակին նվիրված Ազգային երգի-պարի տոնը: Ուրախ և երախտապարտ եմ, որ իմ կրթահամալիրը գնահատում-մեծարում է իր արժանավորներին:
- Ø Նորույթ էր Ատամհատիկ ծեսը, սիրով և հավեսով կատարեցի երաժշտական ձևավորումը, որովհետև նյութն ինձ սրտամոտ ու սիրելի էր:
- Ø Թվում էր՝ ամանորյա ծեսը քարացած մի բան է, որ դժվար թե փոխվի: Բայց այս տարվա Ամանորը բազմագույն ու բազմաձայն հրավառության էր նման. իսկական ուսումնական նախագիծ՝ ճիշտ կազմված և ճիշտ իրականացրած: Պատկերացում կազմելու համար մի պատմելը քիչ է, պետք է մեր ենթակայքը նայել:
- Ø 2013թ. համուհոտը աշխատանքն է 5 տարեկանների խմբում:
1. Առաջին ձեռքբերում՝ շրխկանների մուտքը խումբ, «Շրխկան» համույթի ծնունդը
- Մեդիահամերգ-նախագծի իրականացումը, որը «Պարտեզ» ամսագրում ներկայացվեց՝ Շարունակվող մեդիահամերգ անվանումով:
3. 5 տարեկանների ամենամսյա հաշվետվությունները՝ սեպտեմբերիկ, հոկտեմբերիկ… դեկտեմբերիկ:
4.Երաժշտական խաղերի ստեղծումն ու իրականացումը
- Ø Հատուկ նշելու արժանի է կայքի Ձայնադարան բաժինը, իսկական ձեքբերում, հարուստ ուսումնական նյութ:
- Ø Պետք է առանձնացնեմ Աշնանային բաց հավաքին Հռիփսիմե Առաքելյանի և նրա դասարանի հետ այցն Աշտարակի Վ. Պետրոսյանի անվան դպրոց: Պ. Պռոշյանի տուն-թանգարանում մասնակցեցինք կլոր սեղանի, որն ուղեկցվեց ազգային երգ ու պարի ուսուցմամբ: Հանդիպումն ավարտվեց լավաշթխիկի արարողությամբ:
- Ø Տարեցտարի որակական աճ եմ նկատում կրթահամալիրյան երաժշտական ստուգատես-փառատոնների կազմակերպման-իրականացման մեջ, որոնց մասնակցող սովորողների թիվն ավելանում է՝ «Թումանյանական շաբաթ», «Ջա՜ն, մայրիկ, ջան», «Ռոք-ռեփ-փոփ», «Թատերական ստուգատես», Անտիվիրուս-հակաբացիլ, Կոմիտասյան օրեր Հառիճում):
- Ø Հաջողված եմ համարում «Կոմիտասյան օրեր» նախագիծը, որն այս տարի ավելի ընդլայնված էր: Արդյունքում ստեղծվեցին ունկնդրման նյութեր:
- Ø Հետաքրքիր նորամուծություն էր նոյեմբերից մեդիաուրբաթների ձևաչափի փոփոխությունը:
2014-ի գլխավոր անելիք(ներ)ը
Անելիքներ, ծրագրեր, իհարկե, կան: Առաջնային եմ համարում առաջիկայում Դիջիթեք 2014-ին կրթահամալիրի երաժշտության դասավանդողների հետ նոր Ձայնադարանի ստեղծման-սպասարկման աշխատանքներին ակտիվ մասնակցությունս:
Խնդրանք, առաջարկություն
Ձայնագրված երգերի ցանկը թարմացնելու նպատակով խնդրում եմ աջակցել նոր երգեր ձայնագրելու հարցում:
Սոֆյա Գրիգորյան
Դպրոց-պարտեզ, երաժշտության դասավանդող